Page 62 - Секретаријат за законодавство

за нивно означување на ниво на член. Оваа карактеристика е зна­
чајна бидејќи на таков начин се надминува проблемот на потребата
од директно упатување на директивите, регулативите и одлуките во
самите одредби на подзаконскиот пропис при транспонирањето на
таквите ЕУ прописи. Ова произлегува, пред сè, од специфичноста
на областите за безбедност на храна, ветеринарна и фитосанитарна
политика опфатени во ЕУ прописи, кои меѓусебно се испреплетени
и упатуваат на меѓусебна примена. Во случаи кога во националниот
подзаконски пропис се транспонира ЕУ пропис што во своите од­
редби може да упатува на одреден член од друг ЕУ пропис или само
општо да упатува на одреден друг ЕУ пропис, тогаш во национални­
от подзаконски акт се упатува на другиот национален подзаконски
пропис што во себе го транспонира овој друг ЕУ пропис, а не се
упатува директно на ЕУ прописот. Членот во којшто се врши ова
упатување се означува со ознаката *1, а во фуснота на крајот на про­
писот, по завршната одредба, или по прилозите (доколку ги има) се
наведува текстот дека подзаконскиот пропис што ја содржи другата
директива е усогласен со таа друга директива (притоа наведувајќи го
и членот или само називот на директивата и нејзиниот CELEX број).
На пример, текстот на фуснотата за ознаката *1 со којашто се оз­
начува упатување на ниво на член, но се упатува општо на друг
ЕУ пропис во ЕУ прописот што се транспонира, гласи:
„*1 Правилникот за начинот и условите за чување ѓубриња е
усогласен со Директивата за ѓубриња на Советот (цел назив) до­
несена на (датум) со CELEX број“. Текстот на фуснотата со оз­
нака *2 со којашто се означува упату вањето на член, но кога се
упатува на конкретен член од другиот ЕУ пропис во ЕУ прописот
што се транспонира, гласи *2 на член 14 од Правилникот за на­
чинот и условите за чување на ѓубриња е усогласен со член 10
од Директивата Директивата за ѓубриња на Советот (цел назив)
донесена на (датум) со CELEX број“.
Доколку повеќе пати во текстот на ЕУ прописот што е предмет на
транспони рање во националниот подзаконски пропис се упатува на
друг ЕУ пропис, тогаш означувањето се врши на следниот начин:
1. Кога во националниот подзаконски пропис се транспонира ЕУ мер­
ка што упатува на друга ЕУ мерка којашто е веќе транспонирана во

60