Page 58 - Секретаријат за законодавство

кретни ситуации кои бараат оперативна активност на ЕУ. Со нив се
утврдуваат целите, доменот и средствата што се на располагање на
ЕУ и, доколку е потребно, времетраењето и условите за примена.
Преку заеднички активности, земјите­членки се обврзани во однос
на заземање ставови, како и во поглед на нивните активности.

2. Трет столб на Европската унија (полициска и судската соработ­
ка за граѓански и кривични предмети).
Во оваа област правните акти што се утврдуваат, односно донесу­
ваат се следните: заедничките ставови, рамковните одлуки, одлу­
ките и конвенциите.

Заеднички ставови – го утврдуваат пристапот на ЕУ кон одредени
прашања и Советот ги усвојува едногласно.

Рамковни одлуки ­ се акти чија цел е обврзувачка, но формата и
методите ги избираат земјите­членки. Рамковни одлуки се доне­
сени со цел да се изврши приближување на законите и прописите
на земјите­членки.
Предлозите се утврдуваат на иницијатива на Комисијата или
земјите­членки. Овие одлуки немаат директен ефект и за да се
спроведат потребно е донесување на соодветни мерки. Советот ги
усвојува едногласно, а мерките за нивно спроведување, доколку е
потребно, се усвојуваат со квалификувано мнозинство.
Одлуки ­ се акти чија цел е во согласност со целите во областа на
третиот столб. Тие се обврзувачки и сите мерки кои се неопходни
за нивно спроведување на ниво на ЕУ се усвојуваат од страна на
Советот со квалификувано мнозинство.
Конвенции ­ се традиционални инструменти на меѓународното
право. По консултации со Европскиот парламент, Советот, ги до­
несува конвенциите со одлука, а потоа земјите­членки ја ратифи­
куваат конвенцијата во согласност со нивниот уставен поредок.
По ратификацијата од страна на најмалку половина од вкупниот
број на земји­членки на ЕУ, конвенцијата влегува во сила и важи
само за наведените земји­членки.

3. Необврзувачки правни акти
Овие правни акти се акти коишто не се обврзувачки и коишто не
се предвидени во член 249 од Договорот. Тие се наречени „меко

56