Page 47 - Секретаријат за законодавство

1. „Земјите-членки мора …“,
2. „Земјите-членки треба ….“,
3. „Земјите-членки обезбедуваат …“,
4. „Земјите-членки потикнуваат …“,
5. „Земјите-членки преземаат неопходни мерки. . .“
6. „Земјите-членки промовираат . . .“
7. „Земјите-членки не применуваат . . .“

Постојат и одредби кои не бараат транспонирање. Тоа се: одредби
кои даваат обврски на институциите на ЕУ (обврска за подготов­
ка на извештај, основање комитет, да се започне со преглед на
директива); одредби кои ги регулираат процедуралните аспекти
(известување, укинување стари директиви); одредби со исклучо­
ци за одредени земји­членки; одредби за преодни периоди за им­
плементација кои се веќе поминати.

Постојат различни техники за транспонирање кои можат да се ко­
ристат во процесот на правно приближување.
Логичко транспонирање со преформулирање значи пренесување со
сопствени зборови со што се зачувува домашната правна традиција,
домашна терминологија и домашните техники за изготвување. На
пример, најголем дел од директивите во завршната одредба пропи­
шуваат дека земјите­членки ги утврдуваат казните за прекршување
на националните одредби донесени со примената на директивата и
ги преземаат сите неопходни мерки за да се осигура нејзино спро­
ведување. Овие казни мора да бидат ефективни, пропорционални и
разубедувачки. Оваа одредба може да се транспонира во национал­
ниот правен акт во согласност со националните правила за казни.

Буквалната транспозиција или транспонирање збор по збор е ме­
тод на директно преземање, кој гарантира целосна и прецизна
усогласеност. Иако директивите се обврзувачки за постигнување
на резултатот, тие оставаат на националните власти да ја изберат
формата и методите, па во многу случаи транспонирањето значи
буквално транспонирање на одредбите од Директивата во нацио­
налните одредби. Ова се однесува на дефинициите и различните
детални технички делови од директивите.

45