Page 38 - Секретаријат за законодавство
P. 38

Меѓународни спогодби

            Во согласност со член 216 од ДФЕУ, ЕУ може да склучува догово­
            ри со една или повеќе трети земји или меѓународни организации
            за основање асоцијации, вклучувајќи реципрочни права и обвр­
            ски, заеднички активности и посебни постапки. Таквите догово­
            ри, кои се склучени од страна на ЕУ, се обврзувачки за институ­
            циите на ЕУ и нејзините земји­членки. Постапката за склучување
            меѓународни договори е утврдена во член 218 од ДФЕУ. Советот
            овластува отпочнување преговори, донесува директиви за прего­
            варање, овластува потпишување и склучување договори.

            Кога предвидениот договор се однесува исклучиво или главно на
            заедничката надворешна и безбедносна политика, Комисијата или
            Високиот претставник на Унијата за надворешни работи и безбед­
            носна политика доставуваат препораки до Советот, кој донесува
            одлука за отпочнување преговори и во зависност од предметот
            на предвидениот договорот се именува преговарач за Унијата или
            шеф на тимот за преговарање на Унијата.

            Една  земја­членка,  Европскиот  парламент,  Советот  или  Коми­
            сијата може да добијат мислење од Судот на правдата за тоа дали
            предвидениот договор е во согласност со Договорите. Кога ми­
            слењето на Судот е негативно, предвидениот договор може да не
            влезе во сила, освен ако договорите не се изменат или ревидираат.

            Меѓународните  договори  склучени  од  страна  на  ЕУ  се  дел  од
            правниот поредок на ЕУ:
            „Со цел да се обезбеди почитување на обврските кои произлегува­
            ат од еден договор склучен од институциите на Заедницата, земји­
            те­членки ги исполнуваат обврските не само во однос на засегна­
            тата земја која не е членка на ЕУ туку, пред сè, во однос на За­
            едницата која презема одговорност за навремено спроведување на
            договорот. Тоа е причината зошто одредбите од еден таков договор,
            ...претставуваат составен дел од правниот систем на Заедницата.“  36
            Земјите­членки и институциите на ЕУ имаат обврска да презема­
            ат соодветни мерки со цел да се спроведе одреден договор:


            36  Hauptzollamt Mainz v C.A. Kupferberg & Cie KG a.A. (Case 104/81) [1982] ECR 3641.

            36
   33   34   35   36   37   38   39   40   41   42   43