Page 84 - Секретаријат за законодавство

Обврската за пополнување на Изјавата за усогласеност е утврдена
во Деловникот за работа на Владата на Република Македонија,
така што е утврдено дека предлагачите заедно со материјалите
што ги доставуваат на седниците на Владата на Република Маке­
донија, треба да достават и Изјава за усогласеноста на прописите
со законодавството на Европската унија, а за законите и подзакон­
ските акти и кореспондентна табела.

Пополнувањето на Изјавата за усогласеност на националните про­
писи со правото на ЕУ треба да биде пракса и во случаите кога
станува збор за национален пропис за којшто претходно е веќе
попoлнета Изјава за усогласеност на овој пропис со соодветниот
правен акт на ЕУ, а сега во истиот национален пропис се вршат
соодветни измени и дополнувања, но само од аспект на национал­
ните потреби, со кои измени и дополнувања не се навлегува во од­
редбите во коишто е претходно транспонирано европското законо­
давство. Имено, во тој случај се пополнува Изјава за усогласеност
само рубриките 1.1, 1.2 а, во рубриката 1.3. од Изјавата се наведува
дека националниот пропис не е предмет на усогласување со право­
то на ЕУ, туку дека се вршат соодветни измени и дополнувања што
се од национален карактер согласно националното законодавство,
и дека предметниот пропис бил претходно усогласен со правото
на ЕУ согласно Изјавата за усогласеност за основниот текст на на­
ционалниот пропис, со наведувањето на ЕПП бројот што го имал
тогаш во таа Изјава. Другите рубрики не се пополнуваат, а Изјавата
се потпишува од раководно лице во тоа министерство и од страна
на министерот. Во тој случај, Секретаријатот за законодавство не
дава мислење за Изјавата за усогласеност.

82